မြန်မာနိုင်ငံသတင်းမီဒီယာကောင်စီ၏ သတင်းထုတ်ပြန်ချက် ၆/၂၀၁၉

 

                    “မှန်ဒေါင်ကျေးရွာအုပ်စုတွင် တရုတ်တစ်သျူးငှက်ပျောစိုက်ပျိုးသည့် ကုမ္ပဏီ ၂ ခုဝင်ရောက် လုပ်ကိုင်နေ” ဆိုသည့် မြစ်ကြီးနားဂျာနယ်တွင် ဖော်ပြခဲ့သည့် သတင်းနှင့်ပတ်သက်ပြီး
အဆိုပါဂျာနယ်မှအမှုဆောင်အရာရှိချုပ်နှစ်ဦးဖြစ်သည့် ဦးဘရန်မိုင်၊ ဦးဇော်ခွန်း၊ သတင်းထောက် မွန်းမွန်းပန်တို့ကို သခင်စစ်ကုမ္ပဏီ မန်နေဂျင်းဒါရိုက်တာက ၂၀၁၉ ခုနှစ် မတ်လ(၄) ရက်တွင်
အသရေဖျက်မှု ပုဒ်မ (၅၀၀) ဖြင့် ဝိုင်းမော်တရားရုံးသို့ ဦးတိုက်လျှောက်ထားခဲ့ကြောင်းသိရသည်။

                   အဆိုပါ ဦးတိုက်လျှောက်ထားမှုကို ထုချေရှင်းလင်းရန် မြစ်ကြီးနားဂျာနယ်မှ အမှုဆောင်အရာရှိချုပ်နှစ်ဦးနှင့် သတင်းထောက် တို့ကို မတ်လ(၁၈) ရက် တွင် တရားရုံးသို့ မပျက်မကွက်
လာရောက်ရန် တရားရုံးက ဆင့်ခေါ်ထားကြောင်းသိရသည်။

                 သတင်းမီဒီယာ ဥပဒေအခန်း(၃) သတင်းမီဒီယာသမားများ၏ ရပိုင်ခွင့်များ ပုဒ်မ ၄(ခ) အရ“သတင်းမီဒီယာသမားများသည် နိုင်ငံသားတိုင်း သိခွင့်ရှိသော သတင်းအချက်အလက်များနှင့်
သဘောထား အမြင်များကို ကျင့်ဝတ်စည်းကမ်းနှင့်အညီ စုံစမ်း၊ ဖော်ထုတ်ရေးသားခွင့်နှင့် သတင်းထုတ်လွှင့်ခွင့်ရှိသည်’’ ဟုဖော်ပြထားသည်။

                မြစ်ကြီးနားဂျာနယ်သည် သတင်းမီဒီယာဥပဒေနှင့် ကျင့်ဝတ်များ အတိုင်း နိုင်ငံသားတိုင်း သိခွင့်ရှိသော သတင်းအချက်အလက်များနှင့် သဘောထားအမြင်များကို ကျင့်ဝတ်စည်းကမ်းနှင့်အညီ
စုံစမ်း၊ ဖော်ထုတ်ရေးသားခဲ့ခြင်း ဖြစ်သည်ဟု မြန်မာနိုင်ငံ သတင်းမီဒီယာကောင်စီက မှတ်ယူပါသည်။

                မြန်မာနိုင်ငံတွင် ဒီမိုကရေစီကို ဖော်ဆောင်နေချိန်တွင် သတင်း မီဒီယာများ၏ လွတ်လပ်စွာ ရေးသားထုတ်ဖော်ခွင့်ကို ပိုမို အားပေးရမည့် အချိန်ကာလဖြစ်ပါသည်။

                မြန်မာနိုင်ငံ သတင်းမီဒီယာကောင်စီသည် သတင်းမီဒီယာ ဥပဒေပုဒ်မ (၁၂)အရ ကောင်စီသည် သတင်းမီဒီယာသမားများနှင့် ပတ်သက်ပြီး လွတ်လပ်စွာ ဆောင်ရွက်နိုင်သည့် တစ်ခုတည်းသော အဖွဲ့အစည်းဖြစ်သည်။

               သတင်းမီဒီယာသမားများ၏ သတင်းရေးသားမှုနှင့် ပတ်သက်၍ ကျေလည်မှုမရှိခြင်းနှင့် နစ်နာသည်ဟု ယူဆလျှင် သတင်းမီဒီယာ ဥပဒေအရ ညှိနှိုင်းဖြေရှင်း ဆောင်ရွက်ပေးရန် အာဏာအပ်နှင်းထားသည့်
မြန်မာနိုင်ငံသတင်းမီဒီယာကောင်စီသို့သာ ဦးစွာတိုင်ကြားရမည်ဖြစ်ပါသည်။

               နိုင်ငံတော်သမ္မတကလည်း လမ်းညွှန်ခဲ့ပြီးဖြစ်သည်။ သို့ဖြစ်ပါ၍ သတင်းမီဒီယာသမားများ၏ ရေးသားထုတ်လုပ်မှု၊ သတင်းဖော်ပြမှုနှင့် သတင်းမီဒီယာ ကျင့်ဝတ်အပေါ် ကျေနပ်မှုမရှိပါက
သတင်းမီဒီယာဥပဒေဖြင့် မြန်မာနိုင်ငံ သတင်းမီဒီယာကောင်စီသို့ ဦးစွာတိုင်ကြားရန် တိုက်တွန်းလိုက်ပါသည်။

 

                                                                                                                                                                                                                              မြန်မာနိုင်ငံသတင်းမီဒီယာကောင်စီ

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.