မြန်မာနိုင်ငံသတင်းမီဒီယာကောင်စီ၏ ကြေညာချက်  ၁၁/၂၀၁၉


၂၀၁၉ ခုနှစ်၊ ဇွန်လ (၂၅) ရက်၊ အင်္ဂါနေ့ “သတင်းမီဒီယာကျင့်ဝတ်ဖောက်ဖျက်သူအဖြစ် ကြေညာခြင်း”


၁။    ဟင်္သာမီဒီယာမှ သတင်းထောက် ကိုခင်မောင်ထွေး(ခ)ခေတ်မင်းသည် ဆွမ်းကြီးလောင်းပွဲများတွင် ပြုလုပ်သည့် အန်ဂလုံလောင်းကစားဝိုင်းများတွင် ငွေကြေးကောက်ခံမှုများ ပြုလုပ်နေကြောင်းနှင့် ငွေကြေးမပေးလျှင် ရဲတပ်ဖွဲ့ထံ သတင်းပေးလျှက် ရှိသည့်အပေါ် သက်သေ အထောက်အထားများနှင့်တကွ မြန်မာနိုင်ငံတောင်ပိုင်း ဂျာနယ်လစ် ကွန်ရက် (SMJN) က ၂၀၁၉ ခုနှစ်၊ မတ်လ (၁၃)ရက်တွင် တိုင်ကြားလာသည့်အတွက် မြန်မာနိုင်ငံ သတင်းမီဒီယာကောင်စီ၏ သတင်းမီဒီယာ ကျင့်ဝတ်နှင့် သတင်းမီဒီယာ ဖွံ့ဖြိုးရေး ကော်မတီက စုံစမ်းစိစစ်မှုများ ပြုလုပ်ခဲ့ပါသည်။

၂။    ယင်းကော်မတီ၏ စုံစမ်း စိစစ်ချက်များအရ ဟင်္သာမီဒီယာမှ သတင်းထောက် ကိုခင်မောင်ထွေး (ခ) ခေတ်မင်းသည် ကောင်စီမှ ထုတ်ပြန်ထားသော သတင်းမီဒီယာ ကျင့်ဝတ်ပါ-
      ၂၁-ရဲတပ်ဖွဲ့၊ အခြားအာဏာပိုင် အဖွဲ့အစည်းများနှင့်ဆက်ဆံရေး ၂၁.၁- “မီဒီယာလုပ်ငန်းလုပ်ကိုင်သူများသည် ရဲတပ်ဖွဲ့နှင့် အခြား အာဏာပိုင်အဖွဲ့အစည်းများ၏ သတင်းပေးအဖြစ် ဆောင်ရွက်ခြင်းမပြုရပါ။
      အဘယ်ကြောင့်ဆိုသော် အယ်ဒီတာများ၏ သီးခြား လွတ်လပ်မှုနှင့် မီဒီယာတာဝန် ထမ်းဆောင်နေသူများအတွက် အန္တရာယ် ကျရောက်နိုင်ချေရှိသောကြောင့် ဖြစ်သည်” ကို ဖောက်ဖျက်ကြောင်း
 ထင်ရှားသဖြင့် မြန်မာနိုင်ငံ သတင်းမီဒီယာကောင်စီက ၂၀၁၉ ခုနှစ်၊ မေလ (၉) ရက်တွင် ပြင်းထန်စွာ သတိပေးထားပြီးဖြစ်သည်။


၃။    သတင်းထောက် ကိုခင်မောင်ထွေး (ခ) ခေတ်မင်းကလည်း မြန်မာနိုင်ငံသတင်းမီဒီယာကောင်စီမှ ထုတ်ပြန်ထားသည့် ကျင့်ဝတ်၊ စည်းမျဉ်း၊ စည်းကမ်းများကို လိုက်နာမည်ဖြစ်ကြောင်း၊ နောက်နောင် သတင်းမီဒီယာဥပဒေနှင့် သတင်းမီဒီယာ ကျင့်ဝတ်များအတိုင်း လိုက်နာဆောင်ရွက် ပြုမူမည်ဖြစ်ကြောင်း ၂၀၁၉ ခုနှစ်၊ မေလ (၉) ရက်တွင် ဝန်ခံကတိပြု ထားပြီးဖြစ်ကြောင်း ထုတ်ပြန်အပ်ပါသည်။

 

                                                                                                                                                                                                                  မြန်မာနိုင်ငံသတင်းမီဒီယာကောင်စီ

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.