မြန်မာနိုင်ငံ သတင်းမီဒီယာကောင်စီ၏ သတင်းထုတ်ပြန်ချက် ၁၄/၂၀၁၉                                                                                                                                               

                                        

                                                                                                                                                                                   ၂၀၁၉ ခုနှစ်၊ ဇူလိုင်လ  (၂၃) ရက်၊ အင်္ဂါနေ့

 

၁။    ၂၀၂၀ ခုနှစ်၊ ပါတီစုံ ရွေးကောက်ပွဲကာလ မီဒီယာ အခန်းကဏ္ဍအပေါ် ပူးပေါင်း ဖော်ဆောင်နိုင်ရန် ညှိနှိုင်း ဆွေးနွေးပွဲကို ဇူလိုင်လ ၂၃ ရက်နေ့က နေပြည်တော်ရှိ Kempinski ဟိုတယ်တွင် ကျင်းပခဲ့သည်။

၂။     ဆွေးနွေးပွဲသို့ ပြည်ထောင်စု ရွေးကောက်ပွဲကော်မရှင် ဥက္ကဌ ဦးလှသိန်း ဦးဆောင်သော ကော်မရှင် အဖွဲ့၀င်များ၊ မြန်မာနိုင်ငံ သတင်းမီဒီယာကောင်စီ ဥက္ကဌ ဦးအုန်းကြိုင် (ဟံသာ၀တီ - ဦးအုန်းကြိုင်)
 ဦးဆောင်သော ကောင်စီ၀င်များနှင့် ယူနက်စကိုမှ မြန်မာနိုင်ငံဆိုင်ရာ ဌာနကိုယ်စားလှယ်တို့ တက်ရောက်ဆွေးနွေးခဲ့သည်။

၃။     ဆွေးနွေးပွဲတွင် ဒီမိုကရေစီတွင် လွတ်လပ်ပြီး အမှီအခို ကင်းသည့် သတင်းမီဒီယာ၏ အရေးကြီးသော အခန်းကဏ္ဍ၊ သတင်းမီဒီယာ ဥပဒေနှင့် မြန်မာနိုင်ငံ သတင်းမီဒီယာကောင်စီ၏ အခန်းကဏ္ဍ၊
        ရွေးကောက်ပွဲဆိုင်ရာ သတင်း ရေးသားတင်ပြခြင်းနှင့် သက်ဆိုင်သော ရွေးကောက်ပွဲဥပဒေ၊ နည်းဥပဒေများနှင့် စည်းမျဉ်း စည်းကမ်းများ၊ ရွေးကောက်ပွဲကာလတွင် သတင်းမီဒီယာများမှ သတင်းရေးသား ဖော်ပြမှုနှင့် သက်ဆိုင်သည့် ကြုံတွေ့ရသော အခက်အခဲများ၊ ပြည်ထောင်စု ရွေးကောက်ပွဲကော်မရှင်မှ သတင်းပြန်ကြားရေး အဖွဲ့၏ လက်ရှိ ဆောင်ရွက်လျက်ရှိသော လုပ်ဆောင်ချက်များ၊ သတင်း မီဒီယာသမားများအတွက် ရွေးကောက်ပွဲဆိုင်ရာ လမ်းညွှန်ချက်များကို ပြင်ဆင်ထားရှိမှု၊ ရွေးကောက်ပွဲ သတင်းရေးသား တင်ပြခြင်းဆိုင်ရာ လမ်းညွှန်ချက်များ၊ ဆွေးနွေး တင်ပြချက်များကို အခြေခံ၍ သတင်းမီဒီယာသမားများ အတွက် ရွေးကောက်ပွဲဆိုင်ရာ လမ်းညွှန်ကို ထပ်မံပြင်ဆင်/ ဖြည့်စွက်ရန် လိုအပ်သည့် အကြောင်းအရာများ၊ ၂၀၂၀ ရွေးကောက်ပွဲအတွက် ကြိုတင် ပြင်ဆင်ရာတွင် ပြည်ထောင်စု ရွေးကောက်ပွဲ
ကော်မရှင်နှင့် မြန်မာနိုင်ငံ သတင်းမီဒီယာကောင်စီတို့ ပူးပေါင်း လုပ်ဆောင် နိုင်မည့် အချိန်ဇယား၊ နယ်ပယ်နှင့် ကိစ္စရပ်/ အကြောင်းအရာများ၊ ရွေးကောက်ပွဲတွင် သတင်းသမားများ လွတ်လပ်စွာ သတင်းအချက် အလက်များ ရယူနိုင်ရေးတို့ကို ဆွေးနွေးခဲ့ကြသည်။

၄။    ပြည်ထောင်စု ရွေးကောက်ပွဲကော်မရှင်နှင့် မြန်မာနိုင်ငံ သတင်းမီဒီယာကောင်စီတို့သည် သတင်းမီဒီယာ သမားများအတွက် ရွေးကောက်ပွဲဆိုင်ရာ လမ်းညွှန်ချက်ကို ထပ်မံ ပြင်ဆင်ဖြည့်စွက်သွားရန် သဘောတူသည်။

၅။    ပြည်ထောင်စု ရွေးကောက်ပွဲကော်မရှင်နှင့် မြန်မာနိုင်ငံ သတင်းမီဒီယာကောင်စီတို့သည် ရွေးကောက်ပွဲ ဆိုင်ရာ လမ်းညွှန်ချက် အမြန်ဆုံး ထုတ်ပြန်နိုင်ရေးကိစ္စနှင့် သတင်းမီဒီယာကဏ္ဍ ပူးပေါင်းဆောင်ရွက်ရေး ဆက်လက် ဆောင်ရွက်နိုင်ရန် လာမည့် စက်တင်ဘာလအတွင်း ထပ်မံ တွေ့ဆုံဆွေးနွေးသွားမည်။

         

                                                                                                                                                                                                                                  မြန်မာနိုင်ငံသတင်းမီဒီယာကောင်စီ

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.