သတင်းမီဒီယာကောင်စီဝင်လောင်းအဆိုပြုရန် ဖိတ်ခေါ်ခြင်း


              သတင်းမီဒီယာဥပဒေနှင့် သတင်းမီဒီယာနည်းဥပဒေများအရ မြန်မာနိုင်ငံသတင်းမီဒီယာကောင်စီ (အသစ်) ကို အများဆန္ဒဖြင့် ရွေးကောက်ပွဲကျင်းပပြီး အသစ်ပြင်ဆင်ဖွဲ့စည်းမည်ဖြစ်ပါသဖြင့်
နည်းဥပဒေတွင် အကျုံးဝင်သည့် အဖွဲ့အစည်းများမှ ပါဝင်ယှဉ်ပြိုင်ကြမည့် ကိုယ်စားလှယ်လောင်းများနှင့် တစ်သီးပုဂ္ဂလကိုယ်စားလှယ်လောင်းများသည် သတင်းမီဒီယာကောင်စီဝင်ရွေးချယ်တင်မြှောက်ရေးအဖွဲ့ထံ
အမည်စာရင်းတင်သွင်းကြရန် ဖိတ်ခေါ်အပ်ပါသည်။

ကောင်စီဝင်လောင်းရွေးချယ်ရာတွင် ကိုယ်စားလှယ်လောင်းများအတွက် အရည်အချင်းသတ်မှတ်ချက်

(က)    သတင်းမီဒီယာအဖွဲ့အစည်းများ

       ၁။    အသင်းဝင်ဦးရေအလိုက် အောက်ပါအတိုင်းကိုယ်စားလှယ်ဦးရေ တင်သွင်းနိုင်သည် -
             (က)    အသင်းဝင်ဦးရေ(၁၀၀) မှ (၄၉၉) ဦးထိကိုယ်စားလှယ်   (၁) ဦး။                                                                                            
             (ခ)      အသင်းဝင်ဦးရေ (၅၀၀) မှ (၉၉၉) ဦးထိကိုယ်စားလှယ်  (၂) ဦး။
             (ဂ)      အသင်းဝင်ဦးရေ (၁၀၀၀) နှင့် အထက်   ကိုယ်စားလှယ်  (၃) ဦး။
       ၂။    အသင်းဖွဲ့စည်းပုံစည်းမျဉ်းရှိရမည်။
       ၃။    သတင်းမီဒီယာဖွံ့ဖြိုးတိုးတက်ရေးအတွက် လှုပ်ရှားမှုရှိရမည်။
       ၄။    ဖွဲ့စည်းထားမှုသက်တမ်း  (၁) နှစ်နှင့်အထက်ရှိရမည်။
       ၅။    နိုင်ငံခြား လက်အောက်ခံ အဖွဲ့အစည်း မဖြစ်စေရ။

(ခ)    တစ်ဦးချင်းရွေးချယ်ခံမည့် သတင်းမီဒီယာသမားများ

      ၁။    သတင်းမီဒီယာလုပ်ငန်းတွင် လေးစားအပ်သောရင့်ကျက်သည့်လုပ်ငန်းအတွေ့အကြုံ(၁၀)နှစ်နှင့်အထက် ရှိရမည်။
      ၂။    သိသာထင်ရှားသောသတင်းမီဒီယာလုပ်ငန်းဆောင်ရွက်ခဲ့ဖူးသည့် မှတ်တမ်းကောင်းရှိရမည်။
      ၃။    အချိန်မှန်ထုတ်ဝေသော သတင်းစာ/ဂျာနယ်များမှ ထုတ်ဝေသူ/အမှုဆောင် အရာရှိချုပ်/အယ်ဒီတာချုပ် (သို့မဟုတ်) ရုပ်သံလွှင့် မီဒီယာသတင်းခန်းမှ အမှုဆောင် ထုတ်လုပ်ရေးမှူးနှင့်အထက်
             တာဝန်ရှိသူ ဖြစ်ရမည်။
      ၄။    နိုင်ငံခြားအဖွဲ့အစည်းတစ်ခုခုတွင် တာဝန်ထမ်းဆောင်သူ မဖြစ်စေရ။
      ၅။    သတင်းမီဒီယာဥပဒေ ပုဒ်မ ၉၊ (ဈ)နှင့်အညီ လိုက်နာသော ပုဂ္ဂိုလ် ဖြစ်ရမည်။

(ဂ)    တစ်ဦးချင်းရွေးချယ်ခံမည့် အခြားနယ်ပယ်များမှ ကိုယ်စားလှယ်လောင်းများ

     ၁။    သက်ဆိုင်ရာနယ်ပယ်တွင် လေးစားအပ်သောရင့်ကျက်သည့် လုပ်ငန်းအတွေ့အကြုံရှိရမည်။
     ၂။    သက်ဆိုင်ရာနယ်ပယ်တွင် သိသာထင်ရှားသောလုပ်ငန်းဆောင်ရွက်ခဲ့ဖူးသည့် မှတ်တမ်းကောင်းရှိရမည်။

(ဃ)    ကိုယ်စားလှယ်လောင်းအားလုံးအတွက် သတ်မှတ်ချက်များ

             သတင်းမီဒီယာနည်းဥပဒေ အခန်း(၃)၊ နည်းဥပဒေပုဒ်မ (၇) အရ အောက်ပါအချက်တစ်ရပ်ရပ်နှင့် အကျုံးဝင်သူအား ကောင်စီဝင်လောင်းအဖြစ် အမည်စာရင်းတင်သွင်းခြင်းမပြုနိုင်ပါ-
             (၁)    နိုင်ငံ့ဝန်ထမ်းဖြစ်ခြင်း၊
             (၂)    မကျန်းမာမှုကြောင့် ကောင်စီ၏လုပ်ငန်းတာဝန်များကိုထမ်းဆောင်နိုင်စွမ်းမရှိခြင်း၊
             (၃)    အကျင့်စာရိတ္တ ပျက်ပြားမှုနှင့်စပ်လျဉ်း၍ ပြစ်မှုထင်ရှားစီရင်ခြင်းခံရဖူးသူဖြစ်ခြင်း၊
             (၄)    နိုင်ငံရေးပါတီတစ်ခုခုတွင် အမှုဆောင် ရာထူးတာဝန် ထမ်းဆောင်နေသူဖြစ်ခြင်း၊

*    အဆိုပြုလွှာပုံစံများကို မြန်မာနိုင်ငံသတင်းမီဒီယာကောင်စီ၏ facebook – Mm.presscouncil (or) http://myanmarpresscouncil.org/index.php/case-archive-2/2018-06-22-09-00-30
      စာမျက်နှာများမှတစ်ဆင့် ကူးယူနိုင်ပါသည်။

*    အဆိုပြုလွှာများကို ကာယကံရှင်ကိုယ်တုိုင် ကောင်စီရုံးခန်းသို့ လာရောက်၍သော်လည်းကောင်း၊ အွန်လိုင်းမှတစ်ဆင့် အီးမေးလ်လိပ်စာ This email address is being protected from spambots. You need JavaScript enabled to view it.သို့လည်းကောင်း
      ၂၀၁၈ ခုနှစ်၊ ဇူလိုင်လ (၂၀) ရက်၊ သောကြာနေ့၊ ညနေ(၄း၀၀)နာရီ နောက်ဆုံးထား၍ တင်သွင်းရပါမည်။

*    ရွေးချယ်တင်မြှောက်ပွဲ ပြုလုပ်မည့်နေ့ကို သီးခြားကြေညာပါမည်။

 

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.