သတင်းမီဒီယာကောင်စီဝင်ရွေးချယ်တင်မြှောက်ရေးအဖွဲ့၏ “ ထုတ်ပြန်ကြေညာချက် ”


ရက်စွဲ ။ ။ ၂၀၁၈ ခုနှစ်၊ စက်တင်ဘာလ ၂ ရက်

၁။ မြန်မာနိုင်ငံသတင်းစာဆရာအသင်းဥက္ကဋ္ဌ ဦးမြတ်ခိုင်၏ (၂၄.၈.၂၀၁၈) နေ့စွဲဖြင့် မြန်မာနိုင်ငံသတင်းမီဒီယာကောင်စီအဖွဲ့ဝင်တစ်နေရာအတွက် Quota ရရှိပြီးအလိုအလျှောက်ရွေးချယ်ခံထားရသည့်
မြန်မာနိုင်ငံသတင်းစာဆရာအသင်းမှ ကိုယ်စားပြုသူ ဦးကိုကိုအားကန့်ကွက်ခြင်းနှင့် ကောင်စီဝင်လောင်းအဖြစ်မှ ပယ်ဖျက်ပေးပါရန် မြန်မာနိုင်ငံသတင်းမီဒီယာကောင်စီဝင်ရွေးချယ်တင်မြှောက်ရေးအဖွဲ့ထံ
တင်ပြလာခဲ့ခြင်းအပေါ် ရွေးချယ်တင်မြှောက်ရေးအဖွဲ့မှ အစည်းအဝေးခေါ်ယူစဉ်းစားပြီးတိုင်ကြားသူနှင့် တိုင်ကြားခံရသူတို့အားဖြေရှင်းချက်ပေးရန် ရွေးချယ်တင်မြှောက်ရေးအဖွဲ့မှ
ဆုံးဖြတ်ရာတွင်သိရှိလိုသည့် အောက်ပါအချက် (၂)ချက်အား (၃၁.၈.၂၀၁၈)ရက်နေ့ ညနေ (၄း၀၀) နာရီအရောက်ပေးပို့ရန် သက်ဆိုင်သူများထံ (၂၉.၈.၂၀၁၈) ရက်နေ့တွင် အကြောင်းကြားခဲ့ပါသည်။
(၁) မြန်မာနိုင်ငံ သတင်းစာဆရာအသင်း၏ ဖွဲ့စည်းပုံစည်းမျဉ်းအရ၊ နာယကဖြစ်သူသည် အသင်းတွင် မည်သည့်တာဝန်မျှယူခွင့်မရှိဟူ၍ ပါရှိပါသလား။
(၂) မြန်မာနိုင်ငံ သတင်းစာဆရာအသင်း၏ နာယကဖြစ်သူဦးကိုကိုအား ၂၀၁၈ ခုနှစ်၊ ဇူလိုင်လ (၁၈) ရက်နေ့တွင် ပြုလုပ်ခဲ့သောဗဟိုအလုပ်မှုဆောင်အဖွဲ့ အစည်းအဝေးမှ ရွေးချယ်ခဲ့ပြီး မြန်မာနိုင်ငံ
သတင်း မီဒီယာကောင်စီရွေးချယ်တင်မြှောက်ရေးအဖွဲ့သို့ တရားဝင်အဆိုပြု ကိုယ်စားလှယ်လောင်းအဖြစ် ၁၈.၈.၂၀၁၈ ရက်နေ့ကပေးပို့ခဲ့ပြီး ကောင်စီဝင်လောင်း ဖြစ်ပြီးသောအချိန်တွင်မှ မြန်မာနိုင်ငံ
သတင်းစာဆရာအသင်း၏ ဖွဲ့စည်းပုံအခြေခံစည်းမျဉ်း နှင့်အညီ ၂၂.၈.၂၀၁၈ တွင် ကျင်းပပြုလုပ်ခဲ့သော မြန်မာနိုင်ငံသတင်းစာဆရာအသင်း (၂/၂၀၁၈) အရေးပေါ်အစည်းအဝေးဆုံးဖြတ်ချက်
၂၄.၈.၂၀၁၈ နေ့စွဲပါ စာအမှတ် မသဆ/ထွေ-၁/၂၀၁၈ (၀၀၈)ဖြင့် ပေးပို့လာသည့်စာအပေါ် ကျိုးကြောင်းဆီလျော်စွာဖြေရှင်းချက်ပေးပါရန်။


၂။ အဆိုပါမေးမြန်းချက်အပေါ် တိုင်ကြားသူ ဦးမြတ်ခိုင်မှ (၃၁.၈.၂၀၁၈) ရက်စွဲဖြင့် ရွေးချယ်တင်မြှောက်ရေးအဖွဲ့သို့ ပြန်ကြားခဲ့ရာတွင် မည်သည့်အတွက်ကြောင့် ကန့်ကွက်ပယ်ဖျက်ပေးရန်တင်ပြထားခဲ့ပြီး
ဖြစ်သည့်အတွက် ယင်းအပေါ်ဆီလျော်စွာဖြေရှင်းချက်ပေးရန် အကြောင်းမရှိပါကြောင်းအကြောင်းပြန်ကြားခဲ့ပါသည်။


၃။ တိုင်ကြားခံရသူ ဦးကိုကိုမှ (၃၁.၈.၂၀၁၈) ရက်စွဲဖြင့် ရွေးချယ်တင်မြှောက်ရေးအဖွဲ့သို့ ပြန်ကြားခဲ့ရာတွင်မေးမြန်းချက် (၁)အပေါ်တင်ပြရာတွင် မြန်မာနိုင်ငံသတင်းစာဆရာအသင်း၏
ဖွဲ့စည်းပုံစည်းမျဉ်းတွင် နာယကဖြစ်သူသည် အသင်းတွင်မည်သည့်တာဝန်မှ ယူခွင့်မရှိဟုမပါရှိပါ။ နာယက၏တာဝန်ဝတ္တရားများကို ကန့်သတ်ထားခြင်းမရှိကြောင်း၊ မြန်မာနိုင်ငံ သတင်းစာဆရာ
အသင်း၏ဖွဲ့စည်းပုံစည်းမျဉ်းအခန်း (၄)၊ အသင်းဖွဲ့စည်းပုံအခန်း၊ အပိုဒ်(၁၂) ကို ကိုးကားပြီးလိုအပ်သောသက်သေခံစာရွက်စာတမ်းမျာနှင့်အတူဖွဲ့စည်းပုံစည်းမျဉ်းစာအုပ်ပါပူးတွဲ၍ တင်ပြပြန်ကြားလာခဲ့ပါသည်။


၎။ ဖြေရှင်းချက် (၂) နှင့် ပတ်သက်၍ ၂၀၁၈ခုနှစ်၊ ဇူလိုင်လ ၁၈ရက်တွင် ပြုလုပ်ခဲ့သော ဗဟိုအလုပ်အမှုဆောင်အဖွဲ့ အစည်းအဝေးမှ ၎င်းအားရွေးချယ်ခဲ့သည်ဆိုသည်မှာမမှန်ကန်ပါ။ ဦးကိုကိုအား ထိုနေ့က
ပြုလုပ်သော မြန်မာနိုင်ငံသတင်းစာဆရာအသင်း၏ နိုင်ငံလုံးဆိုင်ရာညီလာခံမှ အများဆန္ဒဖြင့် တစ်ညီတစ်ညွတ်တည်း သတင်းမီဒီယာကောင်စီဝင်အဖြစ် အတည်ပြုရွေးချယ်တင်မြှောက်ခဲ့ခြင်း ဖြစ်ပါသည်။
မြန်မာနိုင်ငံသတင်းစာဆရာအသင်း ရွေးကောက်ပွဲကော်မရှင်က ယင်းနေ့တွင်ထုတ်ပြန်သောကြေညာချက် (၄/၂၀၁၈)တွင် တတိယအကြိမ်နိုင်ငံလုံးဆိုင်ရာညီလာခံက ၎င်းအား
ရွေးချယ်တင်မြှောက်ခဲ့ပါကြောင်း အတိအလင်း၊ တရားဝင်ဖ်ာပြပါရှိကြောင်းနှင့် ထိုစာကို ပူးတွဲတင်ပြပါကြောင်း၊ ထို့အပြင် မြန်မာနိုင်ငံသတင်းစာဆရာအသင်းမှ လူကြီးမင်းတို့ထံ
ကောင်စီဝင်လောင်းအမည်စာရင်း ပေးပို့ရာတွင်လည်း နိုင်ငံလုံးဆိုင်ရာညီလာခံမှ အတည်ပြုရွေးချယ်တင်မြှောက်ခဲ့ပါကြောင်း ဖော်ပြထားပြီးဖြစ်ပါကြောင်း၊ နိုင်ငံလုံးဆိုင်ရာညီလာခံကို ထိုနေ့တွင် ခေါ်ယူရခြင်းမှာလည်း မြန်မာနိုင်ငံ သတင်းမီဒီယာ ကောင်စီဝင်လောင်းများ အချိန်မီစာရင်းပေးနိုင်ရေးအတွက် ညီလာခံ၏ အတည်ပြုချက်ကိုရယူရန်ဖြစ်ပါကြောင်း၊ ဒုတိယပိုင်းအနေဖြင့် (၂၂ - ၈ - ၂၀၁၈)တွင်
အသင်းအရေးပေါ် အစည်းအဝေးပြုလုပ်ခဲ့သည်ကို ဦးကိုကိုက လုံးဝ (လုံးဝ) သိရှိခြင်း မရှိပါကြောင်း၊ မြန်မာနိုင်ငံသတင်းမီဒီယာကောင်စီနှင့် ရွေးချယ်တင်မြှောက်ရေးအဖွဲ့သို့ ပေးပို့သောစာများကို
ဖေ့စ်ဘုတ်ခ်တွင်သာ ဖတ်ရပါကြောင်း၊ တိုက်ရိုက်သက်ဆိုင်သော ဦးကိုကိုအား မေးမြန်းခြင်း၊ အတည်ပြုခြင်း၊ သဘောထားတောင်းခံခြင်းများ အလျဉ်းမရှိခဲ့သလို အဆိုပါစာများကိုလည်း
ဦးကိုကိုထံ မိတ္ထူပေးပို့ခဲ့ခြင်းမရှိပါကြောင်း၊ ယခုအချိန်အထိ ညီလာခံတွင် စနစ်တကျ၊ အများဆန္ဒဖြင့် တရားဝင်ရွေးချယ်ခံရသည့် ဦးကိုကိုအပေါ် ၎င်း၏မျက်ကွယ်တွင်
ယခုလိုဘာကြောင့် ရေးသားကန့်ကွက်ရသည်ကိုနားမလည်နိုင်ဖြစ်ရပါကြောင်း -

(က) နိုင်ငံလုံးဆိုင်ရာညီလာခံ၏ ဆုံးဖြတ်ချက်ကိုဗဟိုအလုပ်အမှုဆောင် အစည်းအဝေးတစ်ခုဟုဆိုကာ အကျိုးအကြောင်းကင်းမဲ့စွာ ပယ်ဖျက်လွှမ်းမိုးပစ်၍ မရနိုင်ပါ။
(ခ) မြန်မာနိုင်ငံသတင်းစာဆရာအသင်း ဖွဲ့စည်းပုံစည်းမျဉ်းအခန်း(၈)၊ အသင်းဝင်၏ ပိုင်ခွင့်များနှင့် လိုက်နာရမည့်စည်းကမ်းများအပိုဒ် (၃၁)၊ အပိုဒ်ခွဲ (ဂ) တွင် အသင်းဝင်တစ်ဦးသည် “ မိမိအားချီးမြှောက်သော
အစည်းအဝေးများသို့ တက်ရောက်ခွင့်ရှိပြီး အရေးယူသည့် အစည်းအဝေးများသို့လည်း မိမိကိုယ်တိုင်တက်ရောက်၍ စည်းကမ်းနှင့်အညီရှင်းလင်းတင်ပြခွင့်၊ ပြန်လည်ချေပခွင့်ရှိသည်” ဟုပြဋ္ဌာန်းထားပါသည်။
သာမာန်အသင်းသားတစ်ဦးကိုပင်လျှင် အရေးယူလိုလျှင် အစည်းအဝေးတက်ရောက်၍ ရှင်းလင်းချေပခွင့်ပေးထားသည့်အတွက် နာယကတစ်ဦးဖြစ်သော ဦးကိုကို ကို ထိုစာထွက်မည့် အစည်းအဝေးသို့
တက်ရောက်ချေပရှင်းလင်းခွင့် မဆိုထားနှင့်၊ အကြောင်းကြားချင်းပင် မရှိသည်မှာ နာယကတစ်ဦး၏ ဂုဏ်သိက္ခာကိုပင် ထိပါးစေသည့် မှားယွင်းသောလုပ်ရပ်ဖြစ်ပြီး စည်းမျဉ်းကိုပါ ချိုးဖောက်သည့်အတွက်
အဆိုပါအစည်းအဝေးသည် တရားဝင်မှုမရှိပါကြောင်း၊ ဦးကိုကိုအား ယခုစာရေးသားတင်ပြချိန်အထိ အသင်းမှသော်လည်းကောင်း၊ ဗဟိုအလုပ်အမှုဆောင်အဖွဲ့ကသော်လည်းကောင်း၊
ဗဟို အလုပ်အမှုဆောင်အဖွဲ့က တာဝန်ပေးအပ်ထားသူတစ်ဦးဦးကသော်လည်းကောင်း အထက်ပါကိစ္စများနှင့် ပတ်သက်၍သော်လည်းကောင်း၊ အခြားအကြောင်းကိစ္စများကြောင့်သော်လည်းကောင်း
ဆက်သွယ်ခြင်း၊ စာပို့ခြင်း၊ အသိပေးခြင်းများ လုံးဝမရှိပါကြောင်းတင်ပြထားပါသည်။
(ဂ) မြန်မာနိုင်ငံသတင်းစာဆရာအသင်း၏ ဖွဲ့စည်းပုံစည်းမျဉ်းတွင် ကိုယ်စားလှယ်တစ်ဦးအား ပြန်လည်ရုပ်သိမ်းခြင်း၊ ပြန်လည်ခေါ်ယူခြင်းများနှင့် ပတ်သက်ပြီး ပြဋ္ဌာန်းထားချက်များမရှိပါ။ အသင်းဝင်အဖြစ်မှ
ရုပ်သိမ်းလိုလျှင်ပင် အပြစ်ရှိ/မရှိနှင့် အသင်းစည်းကမ်းများဖောက်ဖျက်မှုရှိမရှိသေချာအောင် စုံစမ်းစစ်ဆေးပြီးမှသာလျှင် အရေးယူအပြစ်ပေး နိုင်ပါကြောင်း၊ နိုင်ငံလုံးဆိုင်ရာညီလာခံက တစ်ညီ
တစ်ညွတ်တည်း ရွေးချယ်တင်မြှောက်လိုက်သော ကိုယ်စားလှယ်တစ်ဦးအား အထူးသဖြင့် အသင်း၏ဖွဲ့စည်းပုံစည်းမျဉ်းအရ ဂုဏ်အင်္ဂါနှင့် တာဝန်အမြင့်မားဆုံးဖြစ်သည့် နာယကတစ်ဦးကို
အကြောင်းကြားခြင်းမရှိ၊ အသိပေးခြင်းမရှိ၊ တရားဝင်မေးမြန်းခြင်းမရှိပဲယခုကဲ့သို့ဆောင်ရွက်မှုသည် မြန်မာနိုင်ငံသတင်းစာဆရာအသင်း၏ ဖွဲ့စည်းပုံစည်းမျဉ်းနှင့် မညီညွှတ်ရုံမျှမကဘဲဖွဲ့စည်းပုံစည်းမျဉ်းကိုပါ
အကြီးအကျယ်ဖောက်ဖျက် ကျူးလွန်ခြင်းဖြစ်ပါကြောင်းနှင့် ကန့်ကွက်သောအကြောင်းပြချက်များမှာမှားယွင်းပြီးအကျိုးအကြောင်းမဲ့သောကန့်ကွက်မှုများသာဖြစ်ပါကြောင်းရှင်းလင်းတင်ပြအပ်ပါသည်ဟူ၍
ပါရှိခဲ့ပါသည်။


၅။ အဆိုပါနှစ်ဘက်ဖြေရှင်းချက်များအပေါ် သတင်းမီဒီယာကောင်စီဝင်ရွေးချယ်တင်မြှောက်ရေးအဖွဲ့မှ အဓိကဖြေရှင်းရန် လက်ခံစဉ်းစားရမည့်အချက်ကိုစစ်ဆေးခဲ့ရာတွင် တိုင်ကြားခံရသူဦးကိုကို၏
တင်ပြချက်မှာ မြန်မာနိုင်ငံ သတင်းစာဆရာအသင်းဖွဲ့စည်းပုံ အခြေခံစည်းမျဉ်းအရလည်းကောင်း၊ ပြန်ကြားရေးဝန်ကြီးဌာန၊ မြန်မာနိုင်ငံသတင်းမီဒီယာကောင်စီနှင့် သတင်းမီဒီယာကောင်စီဝင်
ရွေးချယ်တင်မြှောက်ရေးအဖွဲ့တို့၏ သဘောတူညီမှုအရ ထုတ်ပြန်ထားသော အမိန့်ညွှန်ကြားချက် (၁/၂၀၁၈)အရလည်းကောင်း၊ သတင်းမီဒီယာကောင်စီ နည်းဥပဒေအခန်း (၃) ပြဋ္ဌာန်းချက်များနှင့်
လည်းကောင်း ညီညွတ်ကြောင်း တွေ့ရှိရသဖြင့် ဦးမြတ်ခိုင်၏ တိုင်ကြားမှုအား လက်မခံနိုင်ကြောင်းသတင်းမီဒီယာကောင်စီဝင်ရွေးချယ်တင်မြှောက်ရေးအဖွဲ့ဝင်အားလုံး၏ သဘောဆန္ဒအရဆုံးဖြတ်လိုက်သည်။

 

သတင်းမီဒီယာကောင်စီဝင်ရွေးချယ်တင်မြှောက်ရေးအဖွဲ့

ဆက်သွယ်ရန်

အမှတ် ၁၃၅ - ၁၃၈ (အေ+ဘီ)၊ ၃၅ လမ်းအလယ်၊ ကျောက်တံတားမြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.