မြန်မာနိုင်ငံသတင်းမီဒီယာကောင်စီ၏

သတင်းထုတ်ပြန်ချက် /၂၀၁၇

၂၀၁၇ ခုနှစ်၊ ဖေဖော်ဝါရီလ (၁၅)ရက်၊ ဗုဒ္ဓဟူးနေ့

 

 

သတင်းအချက်အလက်တောင်းယူရရှိပိုင်ခွင့်ဥပဒေရေးဆွဲရေးအတွက်ညှိနှိုင်းဆွေးနွေးခဲ့မှုနှင့်ပတ်သက်ပြီးသတင်းထုတ်ပြန်ချက်

 

 

 

သတင်းအချက်အလက်တောင်းယူရရှိပိုင်ခွင့်ဥပဒေရေးဆွဲရေးအတွက်ညှိနှိုင်းဆွေးနွေးပွဲကို၂၀၁၇ ခုနှစ်၊ ဖေဖော်ဝါရီလ ၁၄ ရက်၊ နံနက် ၁၀ နာရီကနေပြည်တော်ရှိ လွှတ်တော်ရေးရာဆောင် (I-1)တွင် ကျင်းပပြုလုပ်ခဲ့ပါသည်။

အဆိုပါဆွေးနွေးပွဲသို့ ပြည်ထောင်စုလွှတ်တော်  ဥပဒေရေးရာနှင့် အထူးကိစ္စရပ်များလေ့လာဆန်းစစ်သုံးသပ်ရေးကော်မရှင်ဥက္ကဋ္ဌ သူရဦးရွှေမန်းနှင့်အဖွဲ့ဝင်များ၊ ပြန်ကြားရေးဝန်ကြီးဌာန၊ ပြည်ထောင်စုရှေ့နေချုပ်ရုံးတို့မှ တာဝန်ရှိသူများ၊ပြည်ကြီးခင်အဖွဲ့ကဦးဆောင်သောအရပ်ဘက်အဖွဲ့အစည်းများ၊ကနေဒါနိုင်ငံမှ Center for Law and Democracy မှ ဥပဒေကျွမ်းကျင်ပညာရှင်Mr.TOBYMENDEL၊ မြန်မာနိုင်ငံသတင်းမီဒီယာကောင်စီမှ ဒုတိယဥက္ကဋ္ဌ ()ဦးအောင်လှထွန်း၊ တွဲဖက်အတွင်းရေးမှူး()ဦးကျော်စွာမင်း၊ ကောင်စီဝင်များဖြစ်ကြသောဦးအုန်းကြိုင်၊ဦးဟန်ညွန့်၊ဦးဇေယျာတို့တက်ရောက်ဆွေးနွေးကြသည်။

မြန်မာနိုင်ငံသတင်းမီဒီယာကောင်စီမှ ကိုယ်စားလှယ်များက မြန်မာနိုင်ငံတွင်သတင်းအချက်အလက်တောင်းယူရရှိပိုင်ခွင့်ဥပဒေ Right to Information Law (RTI)အမြန်ဆုံးရေးဆွဲပြဋ္ဌာန်းရန် လိုအပ်နေပြီဖြစ်ကြောင်း၊ နိုင်ငံတကာတွင်ပြဋ္ဌာန်းပြီးဖြစ်သောသတင်းအချက်အလက်တောင်းယူရရှိပိုင်ခွင့်ဥပဒေများအကြောင်း၊ယခုရေးဆွဲပြဋ္ဌာန်းမည့်ဥပဒေတွင်ပါဝင်သင့်သည့်အချက်များ၊ ဥပဒေရေးဆွဲရာတွင်မြန်မာနိုင်ငံသတင်းမီဒီယာကောင်စီကပါဝင်ကူညီရေးဆွဲပေးမည့်အကြောင်းတို့ကိုဆွေးနွေးအကြံပြုခဲ့ပါသည်။

ယခုအခါ၊ ယင်းဥပဒေကို နိုင်ငံပေါင်း (၁၁၃) နိုင်ငံတွင်ပြဋ္ဌာန်းထားပြီးဖြစ်သည်။

ယင်းဥပဒေပေါ်ပေါက်လာပါကမြန်မာနိုင်ငံသားမည်သူမဆိုအစိုးရထံမှ သတင်းအချက်အလက်များအားတောင်းယူသိရှိနိုင်မည်ဖြစ်သည်။အစိုးရအနေဖြင့်လည်းအဂတိတိုက်ဖျက်ရေးကိုထိရောက်စွာဆောင်ရွက်လာနိုင်မည်ဖြစ်ပြီးပွင့်လင်းမြင်သာသောအစိုးရဖြစ်လာမည်ဖြစ်သဖြင့် Open Government Partnerships  (OGP)သို့လည်းဝင်ရောက်နိုင်မည်ဖြစ်သည်။

အဆိုပါဥပဒေရေးဆွဲပြဋ္ဌာန်းနိုင်ရေးအတွက်ပြည်ထောင်စုလွှတ်တော်  ဥပဒေရေးရာနှင့်အထူးကိစ္စရပ်များလေ့လာဆန်းစစ် သုံးသပ်ရေးကော်မရှင်၊ မြန်မာနိုင်ငံသတင်းမီဒီယာကောင်စီ၊ပြည်ကြီးခင်အဖွဲ့ဦးဆောင်သောအရပ်ဘက်အဖွဲ့အစည်းများ၊ ပြန်ကြားရေးဝန်ကြီးဌာနနှင့် ပြည်ထောင်စုရှေ့နေချုပ်ရုံးတို့မှ တာဝန်ရှိသူတွေများသည်  နှစ်လတစ်ကြိမ် ပုံမှန် တွေ့ဆုံသွားမည်ဖြစ်ပါသည်။

 

 

 

 

 မြန်မာနိုင်ငံသတင်းမီဒီယာကောင်စီ

ဆက်သွယ်ရန်

အမှတ် ၁၃၅ - ၁၃၈ (အေ+ဘီ)၊ ၃၅ လမ်းအလယ်၊ ကျောက်တံတားမြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.