မြန်မာနိုင်ငံသတင်းမီဒီယာကောင်စီ၏ သတင်းထုတ်ပြန်ချက် ၅/၂၀၁၇

 

၁။       ရိုက်တာသတင်းဌာနမှ မြန်မာသတင်းထောက်နှစ်ဦးဖြစ်သည့် ကိုကျော်စိုးဦး   ( ခ ) မိုးအောင်နှင့် ကိုသက်ဦးမောင် ( ခ ) ဝလုံးတို့အား (၁၉၂၃) ခုနှစ် မြန်မာနိုင်ငံလျှို့ဝှက်ချက်များဥပဒေပုဒ်မ ၃ ဖြင့် ဖမ်းဆီးခဲ့ကြောင်း ပြန်ကြားရေးဝန်ကြီးဌာန၏ (၂၀၁၇) ခုနှစ် ဒီဇင်ဘာ (၁၃) ရက်နေ့ ထုတ်ပြန်ချက်အရသိရှိရပါသည်။

၂။       မြန်မာနိုင်ငံသတင်းမီဒီယာကောင်စီ၏သတင်းမီဒီယာကျင့်ဝတ်တွင် အောက်ပါအတိုင်းပြဋ္ဌာန်းထားပါသည်။
အပိုဒ် (၃)။    ။ ပေါက်ကြားလာသော အကြောင်းအရာများ ကန့်သတ် သတင်းအချက်အလက်များနှင့်သတင်းရင်းမြစ်ကိုကာကွယ်ခြင်း။
        ၃.၁ ။         ။မီဒီယာဌာနတစ်ခုသည် ပေါက်ကြားလာသောဌာနဆိုင်ရာနှင့် အခြားသတင်းအချက်များ (ဥပမာ - နိုင်ငံရေးသမားများနှင့် ပြည်သူ့ဝန်ထမ်းများထံမှ အချက်အလက်များ)ကိုအများပြည်သူအကျိုးစီးပွားဖြစ်စေသည်ဟုခိုင်လုံပါကလူသိရှင်ကြားထုတ်ဖော်ရမည့် ပရော်ဖက်ရှင်နယ် တာဝန်ရှိသည်။ မီဒီယာကျင့်ဝတ်ကဤတာဝန်ဝတ္တရားကိုထောက်ခံသည်။
         ၃.၂ ။          ။ မီဒီယာဌာနများသည် လျှို့ဝှက်အပ်သောသတင်းရင်းမြစ်များကိုကာကွယ်ပေးရန် ကျင့်ဝတ်အရတာဝန်ရှိပြီးမီဒီယာလုပ်ငန်းစဉ်တစ်ရပ်လုံးတွင် ထိုလျှို့ဝှက်ချက်ကိုအသိရှိရှိလေးစားလိုက်နာရန်လိုအပ်သည်။ ထိုသို့ကာကွယ်ပေးရန် တာဝန်ရှိမှုကိုဤမီဒီယာကျင့်ဝတ်က ထောက်ခံသည်။
         ထို့အပြင် ၂၀၁၄ ခုနှစ်၊ မေလ ၁၄ရက်နေ့တွင် ပြည်ထောင်စုလွှတ်တော်ကအတည်ပြု ပြဋ္ဌာန်းထားသော သတင်းမီဒီယာဥပဒေပုဒ်မ ၂၁ တွင်လည်း “ နစ်နာသောဌာန၊ အဖွဲ့အစည်းသို့မဟုတ် ပုဂ္ဂိုလ်သည် သတင်းမီဒီယာသမားတစ်ဦးကပုဒ်မ ၉ တွင် ပြဋ္ဌာန်းထားသည့် တာဝန်နှင့် ကျင့်ဝတ်သိက္ခာတစ်ရပ်ရပ်ကို ချိုးဖောက်ကြောင်းယူဆလျှင် ရှေးဦးစွာကောင်စီသို့ တိုင်ကြားနိုင်သည် ” ဟုဖေါ်ပြထားပါသည်။
 
၃။ အထက်ပါ ပြဋ္ဌာန်းချက်များအရ မြန်မာနိုင်ငံသတင်းမီဒီယာကောင်စီက - မိမိတို့ ရပ်တည်ချက်ကိုအောက်ပါအတိုင်းတင်ပြအပ်ပါသည်။
         ၁။  ယခုဖမ်းဆီးခံနေရသောသတင်းထောက်နှစ်ဦးကိစ္စကိုသတင်းမီဒီယာဥပဒေအရဖြေရှင်းခွင့်ရလျှင် ဖြေရှင်းပေးလိုပါသည်။
         ၂။  အကယ်၍ ထိုသတင်းထောက်နှစ်ဦးအားတရားရုံးတင် စစ်ဆေးမည်ဆိုပါကလိုအပ်လျှင် Expert Witness ကျွမ်းကျင်သူအသိသက်သေအနေဖြင့် သတင်းမီဒီယာကောင်စီမှ ဆောင်ရွက်လိုပါသည်။
         ၃။ ထိုသတင်းထောက်နှစ်ဦးအတွက် တရားမျှတသောဆုံးဖြတ်ချက်များဖြစ်ရန် Legal assistance ဥပဒေရေးရာအထောက်အကူလိုအပ်ပါကသတင်းမီဒီယာကောင်စီအားလုပ်ဆောင်ခွင့်ပေးစေလိုပါသည်။
         ၄။  မြန်မာနိုင်ငံသတင်းမီဒီယာကောင်စီအနေဖြင့် သတင်းမီဒီယာကျင့်ဝတ်ဆိုင်ရာတိကျမှု၊ ဘက်မလိုက်မှုနှင့် မျှတမှုများ၊ ပေါက်ကြားလာသောအကြောင်းအရာများ၊ ကန့်သတ် သတင်းအချက်အလက်များနှင့် သတင်းရင်းမြစ် ကာကွယ်ခြင်းတို့နှင့်စပ်လျဉ်း၍ ရပ်တည်လုပ်ဆောင်သွားမည် ဖြစ်ကြောင်းကြေညာအပ်ပါသည်။
          

  နိုင်ငံတကာအသိုင်းအဝိုင်းအကြား နိုင်ငံတော်၏ ပုံရိပ်ကျဆင်းနေပြီး၊ အချုပ်အခြာအာဏာ ခြိမ်းခြောက်ခံနေရချိန်တွင် အထက်ပါနည်းလမ်းများသည် အသင့်တော်ဆုံး ဖြစ်သည်ဟု မြန်မာနိုင်ငံ သတင်းမီဒီယာကောင်စီ အနေဖြင့် အလေးအနက် ယူဆယုံကြည်ပါသည်။

မြန်မာနိုင်ငံသတင်းမီဒီယာကောင်စီ

ဆက်သွယ်ရန်

အမှတ် ၁၃၅ - ၁၃၈ (အေ+ဘီ)၊ ၃၅ လမ်းအလယ်၊ ကျောက်တံတားမြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.