မြန်မာနိုင်ငံသတင်းမီဒီယာကောင်စီ၏
သဘောထားကြေညာချက် /၂၀၁၈

၂၀၁၈ ခုနှစ်၊ အောက်တိုဘာလ (၁၁) ရက်၊ ကြာသပတေးနေ့။

 

          Eleven Media Group မှ အယ်ဒီတာချုပ် ကိုကျော်ဇောလင်း၊ တာဝန်ခံအယ်ဒီတာ ကိုနရီမင်းနှင့် သတင်းထောက်ချုပ် ကိုဖြိုးဝေဝင်းတို့အား အောက်တိုဘာလ ()ရက်နေ့ထုတ် Weekly Eleven New ဂျာနယ်စာမျက်နှာ (၂၆) တွင်ဖော်ပြထားသော ဆောင်းပါးနှင့် ပတ်သက်ပြီး ရန်ကုန်တိုင်းဒေသကြီးအစိုးရအဖွဲ့ မှ ညွှန်ကြားရေးမှူး ဦးအောင်ကျော်ခိုင်ကအောက်တိုဘာလ (၁၀)ရက်တွင်တာမွေမြို့နယ်တရားရုံးသို့ နိုင်ငံတော်အကြည်ညိုပျက်စေမှု ပုဒ်မ ၅၀၅ () ဖြင့် တရားစွဲဆိုတင်ပို့ခဲ့ပြီး ယခုအခါအဆိုပါဂျာနယ်လစ် ()ဦးသည်အင်းစိန်အကျဉ်းထောင်သို့ ရောက်ရှိနေကြောင်းသိရပါသည်။

          ပြည်ထောင်စုလွှတ်တော်က အတည်ပြုပြဋ္ဌာန်းထားသည့် သတင်းမီဒီယာဥပဒေ ပုဒ်မ၄ (က) () () သတင်းမီဒီယာသမားများသည် ဥပဒေပြုရေး၊ အုပ်ချုပ်ရေးနှင့် တရားစီရင်ရေး ဆိုင်ရာတို့၏ လုပ်ငန်းဆောင်ရွက် မှုများကို ဖွဲ့စည်းပုံအခြေခံ ဥပဒေနှင့်အညီ လွတ်လပ်စွာ ဝေဖန်၊ ထောက်ပြ၊ အကြံပြု ရေးသားခွင့် ရှိသည်၊ နိုင်ငံသားတိုင်း သိခွင့်ရှိသော သတင်းအချက်အလက်များနှင့် သဘောထားအမြင်များကို ကျင့်ဝတ်စည်းကမ်းနှင့်အညီ စုံစမ်း၊ ဖော်ထုတ်ရေးသားခွင့်နှင့် သတင်းထုတ်လွှင့်ခွင့်တို့ရှိသည်၊ နိုင်ငံသားတစ်ဦး၏ အခွင့်အရေး ဆုံးရှုံးမှုဆိုင်ရာ ကိစ္စရပ်များကို ဖော်ထုတ်ရေးသားခွင့်ရှိသည် ဟု ပြဋ္ဌာန်းထားပါသည်။

          သတင်းမီဒီယာဥပဒေ ပုဒ်မ ၂၁ အရ       နစ်နာသော ဌာန၊ အဖွဲ့အစည်း သို့မဟုတ် ပုဂ္ဂိုလ်သည် သတင်းမီဒီယာသမားတစ်ဦးကပုဒ်မ ၉ တွင် ပြဋ္ဌာန်းထားသည့် တာဝန်နှင့် ကျင့်ဝတ်သိက္ခာ တစ်ရပ်ရပ်ကို ချိုးဖောက်ကြောင်းယူဆလျှင်ရှေးဦးစွာကောင်စီသို့ တိုင်ကြားနိုင်သည်ဟုပြဋ္ဌာန်းချက်ပါရှိပါသည်၊ ထို့ကြောင့် ရန်ကုန်တိုင်းဒေသကြီးအစိုးရအဖွဲ့အနေဖြင့် ယင်းဖြစ်စဉ်အား မြန်မာနိုင်ငံသတင်းမီဒီယာကောင်စီသို့ ဦးစွာတိုင်ကြားရန်လိုအပ်ပါသည်။

   ဒီမိုကရေစီနိုင်ငံပီပြင်စွာဖော်ဆောင်နေချိန်တွင် သတင်းမီဒီယာသမားများကို ပြည်ထောင်စုလွှတ်တော်ကပြဋ္ဌာန်းထားသောသတင်းမီဒီယာဥပဒေကိုအသုံးမပြုပဲ ယခုကဲ့သို့ ပုဒ်မ ၅၀၅(ခ) ဖြင့် တိုက်ရိုက် စွဲဆိုခြင်းသည် နိုင်ငံတော်၏ဒီမိုကရေစီပုံရိပ်ကိုသာမက ရန်ကုန်တိုင်းဒေသကြီးအစိုးရအဖွဲ့၏ ဂုဏ်သိက္ခာကိုလည်း ကျဆင်းစေပါသည်။

      မြန်မာနိုင်ငံသတင်းမီဒီယာကောင်စီသည် တရားရုံးသို့ရောက်ရှိနေပြီဖြစ်သော ကိစ္စရပ်များကို ဝင်ရောက်ကိုင်တွယ်ဖြေရှင်းခွင့်မရှိသော်လည်း ရန်ကုန်တိုင်းဒေသကြီးအစိုးရအနေဖြင့် ယင်းဖြစ်စဉ်အပေါ် ပြန်လည်သုံးသပ်သင့်ပြီး မြန်မာနိုင်ငံသတင်းမီဒီယာကောင်စီထံသို့သာ တိုင်ကြားစေလိုပါသည်၊ မြန်မာနိုင်ငံ သတင်းမီဒီယာကောင်စီအနေဖြင့်လည်း သတင်းမီဒီယာဥပဒေနှင့်အညီ နှစ်ဦးနှစ်ဖက် ပြေလည်အောင် ညှိနှိုင်း ဆောင်ရွက်ပေးလိုပါသည်။

          မြန်မာနိုင်ငံသတင်းမီဒီယာကောင်စီသည် ပြည်ထောင်စုလွှတ်တော်က ပြဋ္ဌာန်းအတည်ပြုခဲ့သော သတင်းမီဒီယာဥပဒေ ပုဒ်မ ၁၂ အရ  “ကောင်စီသည် စာနယ်ဇင်းသမားများနှင့်စပ်လျဉ်း၍ ဤဥပဒေပါ ပြဋ္ဌာန်းချက်များနှင့်အညီ လွတ်လပ်စွာဆောင်ရွက်နိုင်သည့် တစ်ခုတည်းသော အဖွဲ့အစည်း ဖြစ်သည်” ဟု ပြဋ္ဌာန်းထားပါသည်။

         ထို့ကြောင့် မြန်မာနိုင်ငံသတင်းမီဒီယာကောင်စီအနေဖြင့် သတင်းသမားများအား သတင်းမီဒီယာဥပဒေ နှင့် မဟုတ်ဘဲ အခြားသောဥပဒေများဖြင့် တရားစွဲဆိုနေမှုများအပေါ် ပြင်းထန်စွာကန့်ကွက် ရှုတ်ချပါကြောင်းနှင့် ယခုကဲ့သို့ Eleven Media Group မှ အယ်ဒီတာချုပ် ကိုကျော်ဇောလင်း၊ တာဝန်ခံအယ်ဒီတာ ကိုနရီမင်းနှင့် သတင်းထောက်ချုပ် ကိုဖြိုးဝေဝင်းတို့အားရန်ကုန်တိုင်းဒေသကြီးအစိုးရအဖွဲ့ ညွှန်ကြားရေးမှူး ဦးအောင်ကျော်ခိုင်ကတရားစွဲဆိုခဲ့မှုအပေါ် မြန်မာနိုင်ငံသတင်းမီဒီယာကောင်စီအနေဖြင့် ပြင်းထန်စွာ ကန့်ကွက်ရှုတ်ချပါကြောင်း ကြေညာချက်ထုတ်ပြန်ပါသည်။

 

   မြန်မာနိုင်ငံသတင်းမီဒီယာကောင်စီ

 

ဆက်သွယ်ရန်

အမှတ် ၁၃၅ - ၁၃၈ (အေ+ဘီ)၊ ၃၅ လမ်းအလယ်၊ ကျောက်တံတားမြို့နယ်၊ ရန်ကုန်မြို့။

ဖုန်း -09448026326

အီးမေးလ် : mmpresscouncil@gmail.com

ထုတ်ပြန်ချက်ဆိုင်ရာများ

© 2016 mpc. All Rights Reserved.

Please publish modules in offcanvas position.