သတင်းမီဒီယာဆိုသည်မှာ သတင်းရှာဖွေခြင်း၊ ရယူခြင်း၊ ပိုင်ဆိုင်ခြင်း၊ မှတ်တမ်းတင်ခြင်း၊ သတင်း အချက်အလက်များကို ခွဲခြမ်း စိတ်ဖြာခြင်း၊ ဖြန့်ချိခြင်း အစရှိသည်တို့ကို စာ၊ အသံ၊ အရုပ်၊ ရုပ်သံ၊ ကိန်းဂဏန်း အချက်အလက်၊ ရုပ်ပုံဒီဇိုင်းစသည့် အသွင် သဏ္ဍာန်များ အသုံးပြုကာ၊ ပုံနှိပ်မီဒီယာ၊ ရုပ်သံလွှင့်မီဒီယာ၊ အယ်ဒီတာ တာ၀န်ယူမှုရှိသော အင်တာနက် မီဒီယာ (သို့) အခြား နည်းလမ်းများဖြင့် လုပ်ကိုင်သည့် အများပြည်သူဆိုင်ရာ ပြန်ကြားဆက်သွယ်ရေးလုပ်ငန်းများကို ဆိုလိုသည်။

သတင်းအချက်အလက်ရယူခွင့်ဆိုရာ တွင် သတင်းနှင့်စပ်လျဉ်း၍ အများ ပြည်သူသိခွင့်ရှိသော သတင်းအချက် အလက်များကို သက်ဆိုင်ရာ ပုဂ္ဂိုလ်၊ ဌာန၊ အဖွဲ့အစည်း တစ်ခုခုနှင့်ဖြစ်စေ၊ ယင်းတို့ တစ်ခုခုထံမှဖြစ်စေ၊ သက်ဆိုင်ရာဌာန၊ အဖွဲ့အစည်းက သတ်မှတ်ထားသော စည်းကမ်းနှင့်အညီ လိုအပ်သော တွေ့ဆုံမေးမြန်း စုံစမ်းခွင့်၊ ကိန်းဂဏန်း၊ အချက်အလက်၊ စာရင်းဇယား၊ ရုပ်ပုံ၊ ဓာတ်ပုံ၊ သရုပ်ဖော်ပုံတို့ကို မိတ္တူ ကူးခွင့်၊ ကွန်ပျူတာဖိုင်ကူးခွင့်၊ ဓာတ်ပုံ၊ ဗီဒီယို မှတ်တမ်းတင်ခွင့် စသည်တို့ ပါဝင်သည်။

လူတိုင်းတွင် လွတ်လပ်စွာတွေးခေါ် ကြံဆခွင့်နှင့် လွတ်လပ်စွာ ထုတ်ဖော်ပြောကြားခွင့်ရှိသည်။ ထိုအခွင့်အရေးများတွင် နှောက်ယှက်ဟန့်တားခြင်း တစ်စုံတစ်ရာမရှိဘဲ လွတ်လပ်စွာ တွေးခေါ်ကြံဆ ခွင့်နှင့် နယ်နိမိတ် စည်းမျဉ်းများနှင့် မသက်ဆိုင်စေဘဲ မည်သည့်မီဒီယာမှ မဆို သတင်းအချက်အလက် များနှင့် စိတ်ကူး စိတ်သန်းများကို လွတ်လပ်စွာရှာဖွေခွင့်၊ လက်ခံရယူခွင့်၊ တစ်ဆင့် လွှဲပြောင်းပေး ခွင့်တို့ ပါ၀င်သည်။