မြန်မာနိုင်ငံ သတင်းမီဒီယာကောင်စီ

                    မြန်မာနိုင်ငံသတင်းမီဒီယာကောင်စီသည် ၂၀၁၄ ခုနှစ်၊ မတ်လ (၁၄)ရက်တွင် ပြည်ထောင်စုလွှတ်တော်က ဥပဒေအမှတ် (၁၂) ဖြင့် အတည်ပြုပြဌာန်းပေးလိုက်သော သတင်းမီဒီယာဥပဒေအရ
ပေါ်ပေါက်လာခြင်းဖြစ်သည်။ 

                    သတင်းမီဒီယာဥပဒေပုဒ်မ(၁၂)အရ မြန်မာနိုင်ငံသတင်းမီဒီယာကောင်စီသည် စာနယ်ဇင်းသမားများနှင့် စပ်လျဉ်းပြီး သတင်းမီဒီယာဥပဒေပါ ပြဌာန်းချက်များနှင့်အညီ လွတ်လပ်စွာဆောင်ရွက်
နိုင်သည့် တစ်ခုတည်းသောအဖွဲ့အစည်းဖြစ်သည်။ မြန်မာနိုင်ငံသတင်းမီဒီယာကောင်စီ၏သက်တမ်းသည် သတင်းမီဒီယာဥပဒေအရ (၃)နှစ်ဖြစ်သည်။

                   မြန်မာနိုင်ငံသတင်းမီဒီယာကောင်စီ၏ ပထမသက်တမ်းသည် ၂၀၁၅ ခုနှစ်၊ နိုဝင်ဘာလမှ ၂၀၁၈ ခုနှစ်၊ နိုဝင်ဘာလအထိဖြစ်ပြီး၊ ဒုတိယသက်တမ်းသည် ၂၀၁၈ ခုနှစ်၊ အောက်တိုဘာလမှ ၂၀၁၂ 
ခုနှစ်၊ အောက်တိုဘာလအထိဖြစ်သည်။

                  ၂၀၁၅ ခုနှစ်၊ နိုဝင်ဘာလ ၁၁ ရက်တွင် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတရုံး၊ အမိန့်ကြော်ငြာစာအမှတ် ၆၈/၂၀၁၅  ဖြင့် မြန်မာနိုင်ငံသတင်းမီဒီယာကောင်စီ(ပထမ သက်တမ်း)ကို 
အဖွဲ့ဝင် (၂၄) ဦးဖြင့် ဖွဲ့စည်းခဲ့သည်။

                  မြန်မာနိုင်ငံသတင်းမီဒီယာကောင်စီ(ဒုတိယသက်တမ်း)ကို သတင်းမီဒီယာဥပဒေ၊ နည်းဥပဒေများအရ ၂၀၁၈ ခုနှစ်၊ စက်တင်ဘာလ ၈ ရက်၊ စနေနေ့တွင် ရန်ကုန်မြို့ Summit Parkview Hotel ၌ 
မြန်မာနိုင်ငံသတင်းမီဒီယာကောင်စီဝင် (၂၉) ဦးကို ရွေးချယ်ရေးအဖွဲ့က ဒီမိုကရေစီနည်းကျစွာဖြင့် ရွေးချယ်ခဲ့သည်။ ၂၀၁၈ ခုနှစ်၊ အောက်တိုဘာလ (၃၀)ရက်တွင် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်
သမ္မတရုံး၊ အမိန့်ကြော်ငြာစာ  ပြန်တမ်းအမှတ် ၈၂/၂၀၁၈ ဖြင့် မြန်မာနိုင်ငံသတင်းမီဒီယာကောင်စီ(ဒုတိယသက်တမ်း)ကို အဖွဲ့ဝင် (၂၉) ဉီးဖြင့် ဖွဲ့စည်းကြောင်းကြေညာခဲ့သည်။ ၂၀၁၉ ခုနှစ်၊ ဇူလိုင်လ (၅)ရက်၊
သောကြာနေ့တွင် ကောင်စီဝင်တစ်ဉီးနုတ်ထွက်သွားသဖြင့် လက်ရှိတွင် အဖွဲ့ဝင် (၂၈) ဦး ရှိသည်။

                ၂၀၁၈ ခုနှစ်၊ နိုဝင်ဘာလ ၂၃ ရက်၊ သောကြာနေ့တွင် မြန်မာနိုင်ငံသတင်းမီဒီယာကောင်စီဝင်များသည် နိုင်ငံတော်သမ္မတရှေ့မှောက်တွင် ကတိသစ္စာပြုခဲ့ကြသည်။

                မြန်မာနိုင်ငံသတင်းမီဒီယာကောင်စီတွင် နိုင်ငံတော်သမ္မတ၊ ပြည်သူ့လွှတ်တော်နှင့် အမျိုးသားလွှတ်တော်ဥက္ကဌတို့က အဆိုပြုရွေးချယ်သည့် ကိုယ်စားလှယ်များ၊ စာနယ်ဇင်းအဖွဲ့အစည်းများမှ
ကိုယ်စားလှယ်များ (မြန်မာနိုင်ငံသတင်းစာဆရာအသင်း၊ မြန်မာနိုင်ငံစာရေးဆရာအသင်း၊ မြန်မာနိုင်ငံစာနယ်ဇင်းသမဂ္ဂ၊ မြန်မာနိုင်ငံဂျာနယ်လစ်ကွန်ရက်၊ မြန်မာအမျိုးသမီး ဂျာနယ်လစ်များအဖွဲ့၊
မြန်မာသတင်းသမားများ ကာကွယ်စောင့်ရှောက်ရေးအဖွဲ့)၊ မြန်မာနိုင်ငံစာရေးဆရာအသင်း၊ မြန်မာနိုင်ငံပုံနှိပ်နှင့် ထုတ်ဝေသူလုပ်ငန်းရှင်များအသင်း၊ မြန်မာနိုင်ငံစာပေထုတ်ဝေသူနှင့် ဖြန့်ချိသူများအသင်း၊
မြန်မာနိုင်ငံကာတွန်းဆရာများအသင်း၊ မြန်မာနိုင်ငံ ပညာရှင််အဖွဲ့များမှ နည်းပညာဆိုင်ရာ အသိပညာရှင်၊ အတတ်ပညာရှင် ကိုယ်စားလှယ်များပါဝင်ပါသည်။ 

                  
           
 

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : [email protected]

ထုတ်ပြန်ချက်ဆိုင်ရာများ

© 2016 mpc. All Rights Reserved.