မြန်မာနိုင်ငံသတင်းမီဒီယာကောင်စီ
အငြင်းပွားမှုနှင့် တိုင်ကြားမှုများညှိနှိုင်းဖြေရှင်းရေးကော်မတီ
သတင်းထုတ်ပြန်ချက် ၆ / ၂၀၁၈
၂၀၁၈ ခုနှစ်၊ နိုဝင်ဘာလ (၂၉) ရက်၊ ကြာသပတေးနေ့

 

၁။    ပြည်ထောင်စု သမ္မတမြန််မာနိုင်ငံတော် နိုင်ငံတော် သမ္မတရုံးသည်  ၂၀၁၈ ခုနှစ်၊ နိုဝင်ဘာလ ၂၂ - ၂၈ ရက်နေ့ထုတ် The Speaker ဂျာနယ်၊ အတွဲ (၂)၊ အမှတ် (၅၀) တွင် “ ဝန်ကြီးချုပ်လေးဦးနှင့် ဝန်ကြီးအချို့ကို
အနားပေးမည်ဟု သတင်းထွက်ပေါ်၊ မန်းတိုင်းဝန်ကြီးချုပ်နှင့် ဒေါက်တာဝင်းမြတ်အေး မပါ ” ဟူသော သတင်းဖော်ပြခဲ့မှုသည် ခိုင်လုံမှုမရှိသော သတင်းအရင်းအမြစ်ကို အခြေခံ၍ရေးသား ဖော်ပြခဲ့ခြင်းဖြစ်ပါသဖြင့်
The Speaker ဂျာနယ်အပေါ် လိုအပ်သလို ဆက်လက်ဆောင်ရွက်ပေးပါရန် မြန်မာနိုင်ငံ သတင်းမီဒီယာကောင်စီသို့ ၂၀၁၈ ခုနှစ်၊ နိုဝင်ဘာလ ၂၃ ရက် နေ့စွဲဖြင့် စာရေးသား တိုင်ကြားခဲ့ပါသည်။

၂။    သတင်းမီဒီယာဥပဒေ၊ နည်းဥပဒေပြဋ္ဌာန်းချက်အရ ညှိနှိုင်းဖြေရှင်းပေးရန် မြန်မာနိုင်ငံသတင်းမီဒီယာကောင်စီ အငြင်းပွားမှုနှင့် တိုင်ကြားမှုများ ညှိနှိုင်းဖြေရှင်းရေးကော်မတီသည် ၂၀၁၈ ခုနှစ်၊ နိုဝင်ဘာလ ၂၉ ရက်
တွင် တိုင်ကြားခံရသူ The Speakerဂျာနယ် မှ တာဝန်ရှိသူများအား မြန်မာနိုင်ငံ သတင်းမီဒီယာကောင်စီရုံးသို့ ခေါ်ယူတွေ့ဆုံခဲ့ပါသည်။

၃။    The Speaker ဂျာနယ်သည် တိုင်ကြားသူ နိုင်ငံတော်သမ္မတရုံးက တောင်းဆိုထားသည့်အတိုင်း ပြန်လည် ရှင်းလင်းတောင်းပန်ခြင်းကို ယင်းတို့၏ The Speaker ဂျာနယ် ဖေ့ဘုတ် စာမျက်နှာတွင် နိုဝင်ဘာလ
၂၉ ရက် နံနက်ပိုင်းက တင်ထားပေးထားပြီးဖြစ်ကြောင်း၊ The Speaker ဂျာနယ်မှ တာဝန်ရှိသူများ က အငြင်းပွားမှုနှင့် တိုင်ကြားမှုများ ညှိနှိုင်းဖြေရှင်းရေးကော်မတီသို့ ပြောဆိုတင်ပြခဲ့ပါသည်။

၄။    အဆိုပါ တင်ပြချက်အပေါ် အငြင်းပွားမှုနှင့် တိုင်ကြားမှုများ ညှိနှိုင်းဖြေရှင်းရေးကော်မတီက စိစစ်လက်ခံ ခဲ့ပြီး အငြင်းပွားမှုနှင့် တိုင်ကြားမှုများ ညှိနှိုင်းဖြေရှင်းရေးကော်မတီက သတင်းမီဒီယာဥပဒေ ပုဒ်မ(၉)၊
(ခ)အရ The Speaker ဂျာနယ်တွင်လည်း ထည့်သွင်းဖော်ပြပေးရန် လိုကြောင်း၊ ပြန်လည်ညှိနှိုင်း ဆွေးနွေးခဲ့ရာ ဒီဇင်ဘာ (၅) ရက်နေ့တွင် ထုတ်ဝေမည့် The Speaker ဂျာနယ်တွင် ပြန်လည်ရှင်းလင်း တောင်းပန်ခြင်း
ကို ထည့်သွင်းဖော်ပြပေးသွားမည်ဖြစ်ကြောင်း၊ The Speaker ဂျာနယ်က ဝန်ခံ ကတိပြုခဲ့ပါသည်။

၅။ မြန်မာနိုင်ငံ သတင်းမီဒီယာကောင်စီ အငြင်းပွားမှုနှင့် တိုင်ကြားမှုများ ညှိနှိုင်းဖြေရှင်းရေးကော်မတီသည် သတင်းမီဒီယာနည်းဥပဒေ  အပိုဒ်(၄၀) အရ အဆိုပါ  ညှိှနှိုင်းဖြေရှင်းပြီး ရလဒ်ကို ယနေ့ ၂၀၁၈ ခုနှစ်၊ 
နိုဝင်ဘာလ ၂၉ ရက်နေ့တွင် သတင်းထုတ်ပြန်သည်။

       

                                                                                                                                                                          မြန်မာနိုင်ငံသတင်းမီဒီယာကောင်စီ
                                                                                                                                                                         အငြင်းပွားမှုနှင့် တိုင်ကြားမှုများ ညှိနှိုင်းဖြေရှင်းရေးကော်မတီ

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : [email protected]

ထုတ်ပြန်ချက်ဆိုင်ရာများ

© 2016 mpc. All Rights Reserved.