မြန်မာနိုင်ငံသတင်းမီဒီယာကောင်စီ
သတင်းထုတ်ပြန်ချက် ၁/၂၀၁၉
၂၀၁၉ ခုနှစ်၊ ဇန်န၀ါရီလ (၃) ရက်၊ ကြာသပတေးနေ့

 ၁။ ၂၀၁၈ ခုနှစ်၊ ဒီဇင်ဘာလ (၂၈) ရက်နေ့ မန္တလေးတိုင်းဒေသကြီး၊ အမရပူရမြို့နယ်၊ ရတနာပုံ တက္ကသိုလ်ရှေ့တွင် ဖြစ်ပွားခဲ့သော ကျောင်းသားဆန္ဒပြပွဲတွင် မန္တလေးအခြေစိုက် သတင်းမီဒီယာသမားများက
သတင်းရယူကြစဉ် ရတနာပုံ တက္ကသိုလ်၊ ပါမောက္ခ (ဌာနမှူး) ဒေါက်တာ ခင်သက်ကျော် နှင့် သတင်းသမားများအကြား ပြဿနာတစ်ရပ် ဖြစ်ပွားခဲ့သည်။

၂။ အဆိုပါဖြစ်ရပ်သည် သတင်းမီဒီယာဥပဒေပါ သတင်းမီဒီယာများ၏ လွတ်လပ်စွာ သတင်းရယူပိုင်ခွင့်ကို ထိပါးမှု ရှိ၊ မရှိ ဆုံးဖြတ်နိုုင်ရန်အတွက် ယင်းဖြစ်စဉ်ကို စုံစမ်း စစ်ဆေးရန် မြန်မာနိုင်ငံ သတင်းမီဒီယာ
ကောင်စီက စုံစမ်းစစ်ဆေးရေး ကော်မတီတစ်ရပ်ကို ၂၀၁၉ ခုုနှစ်၊ ဇန်နဝါရီလ (၃) ရက်နေ့တွင် ဖွဲ့စည်းလိုက်သည်။

၃။ အဆိုပါ စုံစမ်း စစ်ဆေးရေးကော်မတီတွင် ဥက္ကဋ္ဌအဖြစ် မြန်မာနိုင်ငံ သတင်းမီဒီယာကောင်စီ ဒုတိယ ဥက္ကဋ္ဌ-၂ ဦးကျော်နိုုင်(စာရေးဆရာ-ထက်မြက်)၊ အတွင်းရေးမှူးအဖြစ် ကောင်စီတွဲဘက်အတွင်းရေးမှူး-၂
ဦးလှိုင်းသစ်ဇင်ဝေ (ခ) သာလွန်ဇောင်းထက်၊ အဖွဲ့ဝင်များအဖြစ် ကောင်စီဝင်များဖြစ်ကြသော ဦးဇေယျ၊ ဦးပိုင်စိုးဦး (ခ) ဂျေပိုင်၊ ဒေါ်သူဇာ အပါအဝင် အဖွဲ့ဝင် (၅) ဦးဖြင့် ဖွဲ့စည်းလိုက်ပါသည်။

၄။ ယင်း စုံစမ်း စစ်ဆေးရေးကော်မတီသည် ဖြစ်စဉ် အသေးစိတ်ကို (၁၄) ရက်အတွင်း ကွင်းဆင်း စုံစမ်းစစ်ဆေးပြီး ၂၀၁၉ ခုနှစ်၊ ဇန်နဝါရီလ (၁၇) ရက်နေ့ နောက်ဆုံးထား၍ မြန်မာနိုင်ငံ သတင်းမီဒီယာကောင်စီသို့
တင်ပြ အစီရင်ခံရမည်ဖြစ်သည်။

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : [email protected]

ထုတ်ပြန်ချက်ဆိုင်ရာများ

© 2016 mpc. All Rights Reserved.