ကိုဗစ် အကူအညီပေးရေးကော်မတီမှ သတင်းမီဒီယာများသို့ အသိပေးကြေညာချက်

 

၂၀၂၀ ပြည့်နှစ်၊ စက်တင်ဘာလ (၂၁)ရက်

 

          မြန်မာနိုင်ငံသတင်းမီဒီယာကောင်စီအနေဖြင့် ကိုဗစ်-၁၉ ကူးစက်ရောဂါ ဖြစ်ပွားနေစဉ်ကာလအတွင်း သတင်းအလုပ်နှင့် ဆက်စပ်သွားလာလုပ်ကိုင်စဉ် ကူးစက်ခံရပြီး အတည်ပြုလူနာအဖြစ်သတ်မှတ်ခံရသည့် သတင်းသမားများ၊ ကူးစက်ခံရသူနှင့် ထိတွေ့မှုကြောင့် Home Quarantine သို့မဟုတ် Facility Quarantine center များတွင် အသွားအလာကန့်သတ်ခြင်းခံနေရသည့် သတင်းမီဒီယာသမားများအား အထောက်အပံ့ပေးရေး အသိပေးကြေညာချက်ကို ၂၀၂၀ ပြည့်နှစ်၊ စက်တင်ဘာလ (၁၃) ရက်၊ နေ့စွဲဖြင့် ထုတ်ပြန်ကြေညာခဲ့ပါသည်။

                  ထုတ်ပြန်ချက်ကြေညာပြီးနောက် သတင်းသမားများ ပေးပို့လာသည့်စာရင်းများကို မြန်မာနိုင်ငံ သတင်းမီဒီယာကောင်စီ ကိုဗစ်အကူအညီပေးရေးကော်မတီက စိစစ်ပြီး စက်တင်ဘာလ (၁၆)ရက်နေ့မှ ယနေ့ စက်တင်ဘာလ (၂၁) ရက်နေ့ထိ သတင်းသမား စုစုပေါင်း (၈၇) ဦးကို ဆက်သွယ်၍ အကူအညီ ပေးအပ်ခဲ့ပြီးဖြစ်ပါသည်။ ပိုးတွေ့ရှိသူအဖြစ် အတည်ပြုခံရသူ (၃) ဦး၊ Facility Quarantine ဝင်ရသူ (၃၃) ဦး နှင့် Home Quarantine ဝင်ရသူ (၅၁) ဦး တို့အား ကူညီငွေ ကျပ် (၁၂၃) သိန်း ကူညီခဲ့ပြီးဖြစ်ပါသည်။ ယခုအခါ သတင်းမီဒီယာကောင်စီ၏ သတင်းသမားများအတွက် အကူအညီပေးရေး ရန်ပုံငွေနည်းပါးလာခြင်း ကြောင့် အထက်ပါအကူအညီပေးခြင်းကို ခေတ္တရပ်နားထားမည်ဖြစ်ကြောင်း လေးစားစွာဖြင့် အသိပေး အပ်ပါသည်။

                                                                                                                                                                                                       

 

                                                                                                                                                                                                           မြန်မာနိုင်ငံသတင်းမီဒီယာကောင်စီ

 

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : [email protected]

ထုတ်ပြန်ချက်ဆိုင်ရာများ

© 2016 mpc. All Rights Reserved.