မြန်မာနိုင်ငံသတင်းမီဒီယာကောင်စီ

                                                                                                                        သတင်းထုတ်ပြန်ချက် (၁ / ၂၀၂၁)

                                                                                                              ၂၀၂၁ ခုနှစ်၊ ဇန်နဝါရီလ (၃၁) ရက်၊ တနင်္ဂနွေနေ့

                                                                                                                  အသိပေး၊ တိုက်တွန်းချက်ထုတ်ပြန်ခြင်း

 

၁။ လတ်တလော ဆန္ဒပြမှုဖြစ်စဉ်များနှင့်ပတ်သက်ပြီး သတင်းရေးသားဖေါ်ပြချက်များကို သဘောမကျခြင်းကြောင့် သတင်းသမားများအား အန္တရာယ်ကျရောက်စေရန် ဆိုရှယ်မီဒီယာများမှ တဆင့် ခြိမ်းခြောက်ရေးသားလျက်ရှိသည်ကို တွေ့ရှိနေရပါသည်။

၂။ ထိုသို့သတင်းသမားများအား ခြိမ်းခြောက်မှုများအတွက် မြန်မာနိုင်ငံသတင်းမီဒီယာကောင်စီ အနေဖြင့် ပြင်းထန်စွာကန့်ကွက်ပါကြောင်းနှင့် ထိုဖြစ်စဉ်များအတွက် သက်ဆိုင်ရာအာဏာပိုင်နှင့် ဌာနဆိုင်ရာများထံသို့
အမြန်ဆုံးတိုင်ကြား အသိပေးသွားမည်ဖြစ်ပါသည်။

၃။ ဆန္ဒပြမှုများကို သတင်းသွားရောက်ရယူနေကြသည့် သတင်းသမားများအနေဖြင့်လည်း မိမိတို့၏ လုံခြုံရေးကို အထူးဂရုပြုပြီး သွားရောက်သတင်းရယူကြပါရန်နှင့် သက်ဆိုင်ရာ လုံခြုံရေးအဖွဲ့ အစည်းများအနေဖြင့်
လည်း သတင်းမီဒီယာဥပဒေအရ သတင်းသမားများ၏ လုံခြုံရေးကို အကာအကွယ်ပေးကြပါရန် မြန်မာနိုင်ငံသတင်းမီဒီယာကောင်စီမှ တိုက်တွန်းအပ်ပါသည်။

၄။ သတင်းမီဒီယာများအနေဖြင့်လည်း ဆန္ဒပြမှုဖြစ်စဉ်ကိစ္စရပ်များအပါအဝင် သတင်းများ ရေးသားဖေါ်ပြရာတွင် သတင်းမီဒီယာဥပဒေ၊ နည်းဥပဒေတို့ကိုလည်းကောင်း၊ သတင်းမီဒီယာများ လိုက်နာရမည့် ကျင့်ဝတ်ပါ
တိကျမှု၊ ဘက်မလိုက်မှု၊ မျှတမှုစံနှုန်းများကို အတတ်နိုင်ဆုံး ထိန်းသိမ်းလိုက်နာရန်၊ စကားလုံးအသုံးအနှုန်းများ တိကျမှုရှိစေရန် သေချာစွာ စိစစ်ရေးသား ဖေါ်ပြကြပါရန် မြန်မာနိုင်ငံသတင်းမီဒီယာကောင်စီ မှ တိုက်တွန်းအပ်ပါသည်။

 

                                                                                                                                                                                                                                              မြန်မာနိုင်ငံသတင်းမီဒီယာကောင်စီ

 

31Jan21 st1 21

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : [email protected]

ထုတ်ပြန်ချက်ဆိုင်ရာများ

© 2016 mpc. All Rights Reserved.