မြန်မာနိုင်ငံသတင်းမီဒီယာကောင်စီ
                                                                                                                      ကြေညာချက် (၅ / ၂၀၂၁)
                                                                                                           ၂၀၂၁ ခုနှစ်၊ ဇွန်လ ၂၅ ရက်၊ သောကြာနေ့


၁။ မြန်မာနိုင်ငံသတင်းမီဒီယာကောင်စီသည် မြန်မာနိုင်ငံနှင့်မြန်မာ့လူ့အဖွဲ့အစည်း၏ အကျိုးစီးပွား အလို့ငှာ ဥပဒေပြုရေး၊ တရားစီရင်ရေး၊ စီမံအုပ်ချုပ်ရေး မဏ္ဍိုင်ကြီးများနှင့်အတူ တည့်မတ်ခိုင်မာသည့်
    စတုတ္ထမဏ္ဍိုင်အဖြစ် ဟန်ချက်ညီစွာ ပေါင်းစည်းလျက် မီဒီယာကဏ္ဍ၏ ရပ်တည်မှုခိုင်မာရေးကို ဦးတည် ဆောင်ရွက်လျက်ရှိပါသည်။

၂။ ယခုအခါ နိုင်ငံငြိမ်းချမ်းရေး၊ နိုင်ငံတည်ငြိမ်ရေး၊ တရားဥပဒေစိုးမိုးရေး ဟူသော အမျိုးသားရေး လိုအပ်ချက်များကို မဏ္ဍိုင်ကြီးများအားလုံးမှ ပဓာနပြုကြိုးပမ်းနေကြရာတွင် မီဒီယာမဏ္ဍိုင်သည်လည်း
    မိမိတို့၏ သတင်းမီဒီယာဥပဒေ၊ သတင်းမီဒီယာကျင့်ဝတ်များအား မြဲမြံစွာစောင့်ထိန်းလျက် အတူတကွ ကြိုးပမ်းအကောင် အထည်ဖော်ကြရမည့်ကာလဖြစ်ပါသည်။ သို့ရာတွင် သတင်းဌာနအချို့သည်
     သတင်း မီဒီယာဥပဒေ၊ သတင်းမီဒီယာကျင့်ဝတ်များကို ချိုးဖောက်လျက် မြန်မာ့လူ့အဖွဲ့အစည်း၏ ပဋိပက္ခများ ပိုမိုကြီးထွားလာစေရန် လုပ်ဆောင်နေကြသဖြင့် နိုင်ငံတော်မှ ယင်းသတင်းဌာနများကို
    လိုင်စင်ပိတ်သိမ်းလျက် တရားမဝင်သတင်းဌာနများအဖြစ် ကြေညာခဲ့ပြီးဖြစ်ပါသည်။

၃။ သို့ဖြစ်ရာ သတင်းမီဒီယာသမားများသည် အဆိုပါလိုင်စင်ပိတ်သိမ်းခံထားရသည့် တရားမဝင် သတင်းဌာနများနှင့်ဆက်သွယ်ခြင်း၊ သတင်းပေးပို့ခြင်းများကြောင့် ဖြစ်ပေါ်လာမည့် တည်ဆဲဥပဒေ၊
     သတင်းမီဒီယာဥပဒေ၊ သတင်းမီဒီယာကျင့်ဝတ် ချိုးဖောက်မှုများဆိုင်ရာ အငြင်းပွားမှုများကို မြန်မာနိုင်ငံ သတင်းမီဒီယာကောင်စီအနေဖြင့် တာဝန်ခံညှိနှိုင်းဖြေရှင်းဆောင်ရွက်ပေးမည် မဟုတ်ကြောင်း
     အသိပေး ကြေညာအပ်ပါသည်။

 

                                                                                                                                                                                                                      မြန်မာနိုင်ငံသတင်းမီဒီယာကောင်စီFB IMG 1624672785076

 

 

ဆက်သွယ်ရန်

အမှတ် ၃၉၂ - ၃၉၆၊ ကုန်သည်လမ်း၊ (၉)ရပ်ကွက်၊ ဗိုလ်တထောင်မြို့နယ်၊ ရန်ကုန်မြို့။

ဖုန်း -09448026326

အီးမေးလ် : [email protected]

ထုတ်ပြန်ချက်ဆိုင်ရာများ

© 2016 mpc. All Rights Reserved.